Gobierno de España. Ministerio de Inclusión, Seguridad Social y Migraciones. Secretaría de Estado de la Seguridad Social y Pensiones - Dirección General de Ordenación de la Seguridad Social
Administración Presupuestaria

Aurkezpena

Bizi dugun informazioaren eta ezagutza kudeatzearen garai honetan, eta administrazio elektronikoaren testuinguruan, Estatuko administrazioaren goi mailako organoen webguneak (bakoitza dagokion ministerioaren eta administrazio publikoen atarian sartuta) nahitaezko baliabideak ditugu, batetik, organoak informazioaren gizarteari eskaini beharreko informazio guztia bideratzeko, eta, bestetik, administrazioko prozeduren eta zerbitzuen izapidetzea eta beren segimendua bideratzeko.

Gainera, webguneen bidez izapidetu behar den informazio kopuruak gora egiten jarraitzen du, faktore erabateko batzuek direla medio. Faktore horien artean ditugu, besteak beste: herritarrek eskatzea sistema demokratikoetan berezkoa den administrazio publikoetako kudeaketa garbia izatea; Internet fenomenoak bultzatutako globalizazioa; eta gero eta informazio digitalizatu gehiago egotea eta informazio hori kudeatzeko gero eta gaitasun handiagoa izatea. Azken hori gure gizarte digitalaren ezaugarria da.

Zerbitzu horren garrantzia bereziki nabarmena da Ogasun Ministerioaren eta Funtzio Publikoaren eta Gastuetako Estatuko Idazkaritzaren esparruan. Izan ere, haren funtzioen izaeragatik, sortzen dituen informazioa eta zerbitzu elkartuak bereziki garrantzitsuak dira hainbat sektorerentzat, besteak beste: enpresa-sektorea, unibertsitateena, administrazio eta erakunde publiko nazionalak eta nazioartekoak, eta herritarrak.

Aurrekontuen eta Gastuen Estatu Idazkaritza Ogasun Ministerioaren eta Funtzio Publikoaren mende dagoen goi-organo bat da, eta hari dagokio estatuko sektore publikoaren eta haren langile-kostuen plangintza, programazioa eta aurrekontuei buruzko ekintzak eta Europar Batasuneko funtsen eta eskualdeko pizgarrien gaineko diseinua, plangintza eta ekintzak zuzentzea eta koordinatzea, bereziki, eskualdeko politika ekonomikoari bideratutako funtsen kudeaketa eta Espainiak Europar Batasuneko aurrekontuan duen esku-hartzearen segimendua eta kudeaketa.

Halaber dago Aurrekontu eta Gastuetako Estatuko Idazkaritzari atxikita, idazkariordetza-mailaz, Estatuko Administrazioaren Kontu-hartzailetza Nagusia. Haren ardura dira barne-kontrola (kontu-hartzeko funtzioaren eta finantza-kontrolaren bidez), diru-laguntza eta laguntza publikoen segimendua eta kontrola, Europar Batasuneko funtsen kontrola egitetik eratorritako jarduerak (EAKNk ikuskatze-autoritate izaera duen programetan, funtzio horiek betez), kontabilitate publikoaren zuzendaritza eta kudeaketa, sektore publikoaren kontu ekonomikoak eratzea eta Aurrekontu eta Gastuetako Estatuko Idazkaritzaren politika informatikoa planifikatzea, diseinatzea eta gauzatzea.

1997. urteaz geroztik, herritarrari zuzendutako webgunea dugu. Webgune horretan, informazio eta zerbitzu ugari eskaintzen dugu, eta egunetik egunera informazio gehiago gehitzen dugu. Webgune horren helburua da aurrekontuen arloko administrazioa herritarrei nahiz administrazio publikoetako gainerako organoei hurbiltzea.